बिजेन्द्रलाई फेरि अध्यक्षको जिम्मेवारी, सुनिललाल जोशी स्मृती भारोत्तोलन अर्को महिना

काठमाडौं (खेलदैनिक) । काठमाडौ जिल्ला भारोत्तोलन संघको अध्यक्षमा पुनः बिजेन्द्र बिक्रम शाहलाई जिम्मेवारी प्रदान गरिएको छ ।

नेपाल भारोत्तोलन संघका महासचिव पार्थ सारथी सेन गुप्त र सचिव तीलक राउतको उपस्थितीमा भएको संघको तेश्रो साधारण सभाले पुन शाहलाई अध्यक्षमा निरन्तरता प्रदान गर्दै ९ सदस्यिय नयाँ कार्यसमितिको निर्विरोध चयन गरेको छ । संघको उपाध्यक्षमा रुकेश तण्डुकार र विपेन्द्र महर्जन रहेका छन् ।

त्यस्तै सचिवमा अशोक शाही तथा कोषाध्यक्षमा रामेश्वर श्रेष्ठ रहेका छन् । सदस्यहस्मा अजय शाही, राकेश महर्जन, रुपक तण्डुकार, श्यामकृष्ण शाही रहेका छन् । यस्तै संघको पहिलो बैठकले देवकुमार महर्जन, भोगेन्द्र मानन्धर, परमेश्वर जोशी र अनिता श्रेठलाई संघको सदस्यमा मनोनित गरेको छ ।

सुनिललाल जोशी स्मृती भारोत्तोलन अर्को महिना

त्यसैगरी काठमाडौ जिल्ला भारोत्तोलन संघको आयोजनामा संघको बार्षिक कार्यक्रम अनुरुप तेश्रो नेपाल स्टड.गेष्ट २०१९, सुनिललाल जोशी स्मृती भारोत्तोलन प्रतियोगिता श्रावण महिनामा आयोजना गर्ने भएको छ ।

संघको तेश्रो साधारण सभाबाट निर्वाचित संघको बैठकले उक्त प्रतियोगिता आयोजना गर्ने निर्णय गरेको हो । भारोत्तोलन खेल मार्फत राष्टको लागि सर्वाधिक पदक दिलाउन सफल ओलम्पियन तथा प्रशिक्षक सुनिललाल जोशीको स्मृतीमा संघले दुई संस्करण भारोत्तोलन प्रतियोगिता सफलतापूर्वक सम्पन्न गरिसकेको छ ।

महिला तथा पुरुष (सिनियर तथा जुनियर) राष्टिय स्तरको प्रतियोगिता श्रावण २४ र २५ गते गर्ने निर्णय गरेको हो । अन्तर्राष्टिय भारोत्तोलन महासंघ र एशियन भारोत्तोलन महासंघको नियमानुसार खेलाईने प्रतियोगितामा सिनियर तथा जुनियर तर्फ अन्तराष्टिय एरिनामा आयोजना हुने सवै तौल समूहमा प्रतिस्पर्धा गराईने संघका अध्यक्ष विजेन्द्र बिक्रम शाहले जानकारी गराए ।


प्रतिक्रिया दिनुहोस

Loading...