नेपाली भारोत्तोलन टोली इरान जाने

तेश्रो अन्तर्राष्ट्रिय फेजर कप भारोत्तोलनमा सहभागी हुन इरान जाने नेपाली टोली बिदाइपछि सामूहिक तस्वीर खिचाउदै ।

काठमाडौं (खेलदैनिक) । तेश्रो अन्तर्राष्ट्रिय फेजर कप भारोत्तोलन च्याम्पियनसिपमा सहभागी हुन ३ खेलाडीसहित ६ सदस्यीय नेपाली टोली सोमबार इरानको अहभाज प्रस्थान गर्ने भएको छ ।

मार्च ६ देखि ११ तारिखसम्म हुने प्रतियोगितामा ३ पुरुष खेलाडीले नेपालको चुनौती प्रस्तुत गर्नेछन् । ७७ केजीमा कमलबहादुर अधिकारी, ८५ केजीमा सुरेन्द्र श्रेष्ठ तथा १०५ केजीमाथि पुकार गुरुङले प्रतिस्पर्धा गर्नेछन् ।

प्रशिक्षकमा दिनेश भुजेल छन् भने निर्णायकमा अन्तर्राष्ट्रिय निर्णायकद्वय प्रदीप श्रेष्ठ र रुकेश तण्डुकार छन् । तीनै खेलाडी पोखरामा गत पुस अन्तिम साता भएको राखेप च्याम्पियनसिपअन्तर्गत राष्ट्रिय भारोत्तोलन प्रतियोगिताका स्वर्ण विजेता हुन् । फेजर कपमा नेपालको यो पहिलो सहभागिता हो ।

टोलीलाई राष्ट्रिय खेलकुद परिषद्का सदस्य–सचिव केशवकुमार विष्टले एक कार्यक्रमबीच आइतबार दिबाइ सातदोबाटोमा गरे । बिदाइ कार्यक्रममा सदस्य–सचिव विष्टले वर्तमान सरकार खेल मैत्री भएको हुनले आगामी आर्थिक वर्षमा खेलकुदमा अहिलेसम्मकै सर्वाधिक वजेट विनियोजन हुने विश्वास व्यक्त गरे ।


प्रतिक्रिया दिनुहोस

Loading...