इतिहास रच्नबाट झिनो अन्तरले चुक्यो महिला भलिबल टोली

काठमाडौं (खेलदैनिक) । दक्षिण एसियाली खेलकुदमा अहिलेसम्म स्वर्ण जित्न नसकेको नेपाली महिला भलिबल टोलीले मंगलबार इतिहास रच्ने एउटा सुनौलो अवसरबाट चुकेको छ ।

फाइनल भिडन्तमा भारतसँग ३–२ को रोमाञ्चक सेटमा पराजित भएपछि नेपालको ऐतिहासिक स्वर्ण जित्ने सपना फेरि तुहिएको हो । पहिलो सेट २५–१७ ले गुमाएको नेपालले दोस्रो सेटमा २५–२४ र २५–२१ को जित निकाल्न सफल भएको थियो ।

चौथो सेट २५–२० ले भारतले आफ्नो पोल्टामा पार्यो भने निर्णायक पाँचौं सेटमा नेपाल १५–६ ले पराजित हुन पुगेको थियो । यो हारसँगै नेपालको महिला भलिबलमा स्वर्ण जित्ने अवसर गुमे तापनि सागमा रजत पदक नेपाली टोलीले महिला भलिबलमा जितेको अहिलेसम्म कै सबैभन्दा ठूलो पदक हो ।

यसअघि नेपालले महिला भलिबलमा सागमा तीन काँस्य पदक जितेको थियो ।


प्रतिक्रिया दिनुहोस

Loading...