दक्षिण एशियाली आईटिएफ तेक्वान्दो शुक्रबारदेखि

प्रतियोगिताबारे जानकारी गराउँदै आयोजक ।

काठमाण्डौं (खेलदैनिक) । नेपाल आईटिएफ संघको आयोजनमा दक्षिण एशियाली तथा आमन्त्रण तेक्वान्दो प्रतियोगिता भोली शुक्रबारदेखि काठमाडौंमा शुरु हुदैछ ।

तीन दिन सम्म चल्ने प्रतियोगितामा नेपाल लगायत भारत, पाकिस्तान, अफगानिस्तान, बंगलादेश, चीन, तुर्किमिनिस्तान लगायतका देशबाट खेलाडी तथा पदाधिकारीहरु अहिले काठमाडौ आइपुगिसकेको पत्रकार सम्मेलनमा जानकारी गराइयो ।

प्रतियोगितामा जुनियर र सिनियरका उमेर समूह, तौल समूहमा स्पाईरिङ, टिम स्पाईरिङ, एकल प्याट्रन, टिम प्याट्रन, सेल्फ डिफेन्समा प्रतिस्पर्धा हुने अन्तर्राष्ट्रिय आईटिएफ तेक्वान्दो संघका सदस्य समेत रहेका दक्षिण एशियाली आईटिएफ संघका अध्यक्ष डा.राजेन्द्र बलामले पत्रकार सम्मेलनमा जानकारी गराए ।

आयोजक प्रतियोगिता संयोजक आईटीएफका अध्यक्ष अन्जन धमलाले प्रतियोगितामा १५० स्वर्ण, १५० रजत र ३ सय कास्य पदकका लागि ६ सय खेलाडीले प्रतिस्पर्धा गर्ने पत्रकार सम्मेलनमा जानकारी गराए । असार ३१ गते सम्म हुने प्रतियोगिताको अनुमानित खर्च ४० लाख रहने अध्यक्ष धमलाले बताए ।


प्रतिक्रिया दिनुहोस

Loading...