डरलाग्दो गोलीकाण्डमा मुछिए चर्चित टर्किस फुटबलर

काठमाडौं (एजेन्सी) । सर्वसाधारणमाथि गोली चलाई हत्या समेत गरेको आरोपमा चर्चित टर्किस फुटबलर सेजर ओजटर्कलाई पुलिसले खोजी गरिरहेको छ । अन्तर्राष्ट्रिय सञ्चारमाध्यमहरुका अनुसार ३५ बर्षिय सेजर सो गोलीकाण्डपछि फरार रहेको बताइएको छ ।

स्रोतका अनुसार टर्कीस शहर सिलेमा सडकमा रहेका सर्वसाधारणसँग विवाद भएपछि सेजरले गोली चलाएको बताइएको छ । रिपोर्टअनुसार त्यो घट्नामा एकको मृत्यु र चार घाइते भएको बताइएको छ । साथै त्यो घट्ना लगतै सेजर त्यहाँबाट भागेको समेत अन्तर्राष्ट्रिय सञ्चारमाध्यमहरुले जनाएका छन् ।

घट्नाको एउटा भिडियो टेप पनि सार्वजनिक भएको र सो भिडियोमा गोली चलाउने सेजर नै रहेको केही सञ्चारमाध्यमहरुले बताएका छन् । तर, त्यसबारे आधिकारिक रुपमा पुष्टी भने भईसकेको छेन । साथै घट्ना लगतै स्थानीय पुलिसले सेजरको खोजी कार्य जारी राखेको समेत बताइएको छ ।

चर्चित जर्मन क्लब बायर लेभरकुसेनबाट व्यवसायीक फुटबल करियर शुरु गरेका सेजरले टर्की कै दुई चर्चित क्लब फेनरबाचे र बेसिकटासबाट समेत व्यवसायीक फुटबल खेलेका थिए ।


प्रतिक्रिया दिनुहोस

Loading...