घरमै स्तब्ध बन्यो लिगलिडर मिलान

एजेन्सी । इटालियन सिरि ए तर्फ लिगलिडर एसी मिलानले शनिबार राती एटलान्टासँगै घरेलु मैदान मै ३–० को स्तब्धपुर्ण हार बेहोरेको छ । सान सिरोमा भएको खेलको २६औं मिनटमा मिलानले पहिलो गोल खान पुगेको थियो ।

रोबिन गोसेन्सको कर्नर किकमा क्रिष्टियन रोमेरोले हेडद्वारा एटलान्टाका लागि पहिलो गोल गरे । त्यस्तै दोस्रो हाफको ५३औं मिनटमा जोसिप इलिसिकले पेनाल्टीबाट एटलान्टाको अग्रता दोब्बर पारे ।

शनिबार खेलमा प्रभावशाली प्रदर्शन गरेको एटलान्टाका लागि तेस्रो गोल भने डुवान जापाटाले ७७औं मिनटमा गर्दै पाहुना टोलीको शानदार जित सुनिश्चित गरेका थिए ।

यो हारका बावजुद १९ खेलबाट ४३ अंक जोडेको एसी मिलान शिर्ष स्थानमा यथावत छ । दोस्रो स्थानमा रहेको इन्टरको ४१ अंक छ । इन्टरले शनिबार नै उडिनेसेसँग गोलरहित बराबरी खेलेपछि एसी मिलानसँगको अंक बराबरी गर्ने अवसर पनि गुमाएको छ ।

उता यस सिजन एसी मिलानलाई हराउने दोस्रो टोल ीबनेको एटलान्टा भने ३६ अंकका साथ चौथो स्थानमा उक्लिएको छ ।


प्रतिक्रिया दिनुहोस

Loading...