मुचोवासँग विश्व नम्बर एक बार्टी स्तब्ध

एजेन्सी । शुरुवाती सेट गुमाएर पनि उत्कृष्ट पूनःरागमन गरेकी चेक गणगतन्त्रकी केरोलिना मुचोवाले प्रतिष्ठित अष्ट्रेलियन ओपन टेनिसको महिला एकलतर्फ रोमाञ्चक जित निकाल्दै पहिलोपटक सेमिफाइनलमा प्रवेश गरेकी छिन् ।

क्वाटरफाइनलमा २५औं वरियताकी मुचोवाले विश्व नम्बर १ तथा उपाधिको दावेदार मानिएकी घरेलु प्रतिद्वन्द्वी एश्ली बार्टी माथि १–६, ६–३ र ६–२ को प्रभावशाली जित निकालिन् ।

सेमिफाइनलमा मुचोवाले अमेरिकाकी जेनिफर ब्रेडीसँग खेल्नेछिन् । ब्रेडीले क्वाटरफाइनलमा आफ्नै देशकी प्रतिद्वद्वी जेसिका पेजुलामाथि ४–६, ६–२, ६–१ को जित निकालेकी थिईन् ।