ड्यामसाइडलाई स्व बलराम केसी स्मृती कास्की लिगको उपाधी

आठौं संस्करणको स्व बलराम केसी स्मृती कास्की लिग फुटबल प्रतियोगिताको उपाधी ड्यामसाइड क्लवले जितेको छ ।पोखरा रंगशालामा विहिबार सम्पन्न फाइनल खेलमा विष्णुपादुका हेम्जालाई २–१ गोलले पराजित गर्दै ड्यामसाइडले उपाधी जितेको हो । ड्यामसाइडको जितमा संजय बुढाथोकी र सुनिल विकले एक एक गोल गरे । हेम्जाको तर्फबाट सक्षम कार्कीले एक गोल गरेको थिए ।

कास्की जिल्ला फुटवल संघद्वारा आयोजित प्रतियोगितामा ड्यामसाइडकै सुनिल विक उत्कृष्ट खेलाडी भए ।

प्रतियोगिता जितेसंगै ड्यामसाइडल नगद २५ हजार साथमा शिल्ड मेडल प्रमाणपत्र पुरस्कार पायो भने ड्यामसाइड क्लव क्षेत्रिय प्रतियोगिताका लागि पनि कास्कीबाट छनौट भयोको छ । द्धितिय स्थान हाँसिल गरेको हेम्जाले नगद १५ हजारका साथमा कप मेडल प्रमाणपत्र पुरस्कार प्राप्त गर्यो ।

विजयी खेलाडीहरुलाई स्वर्गिय बलराम केसीका छोराहरु किरण केसी, निरन केसी, आयोजक संघ कास्कीका अध्यक्ष धरमबहादुर लामिछाने, उपाध्यक्ष कुमार गुरुङ लगायतले पुरस्कार वितरण गरेका थिए ।


प्रतिक्रिया दिनुहोस

Loading...