रोहितको टोली जकार्ता फेरि निराश (भिडियोसहित)

काठमाडौं (खेलदैनिक) । इण्डोनेसियन सुपर लिगमा पछिल्लो केही खेल यता खराब लयमा देखिएको रोहित चन्दको टोली पर्सिजा जकार्ताले बिहीबार अर्को हारको सामना गरेको छ ।

जकार्ताले मदुरा युनाइटेडसँग १–३ को हार बेहोर्यो । जकार्ताले खेलेको पछिल्लो ५ खेलमा यो चौथो हार समेत हो । मदुराका लागि खेलको १८औं रेनन डा सिल्वाले पहिलो गोल गरे ।

३३औं मिनटमा रोहित चन्दले आत्मघाती गोल गर्न पुगे । लगतै ३७औं मिनटमा बायु गत्राले मदुराका लागि तेस्रो गोल गर्दै टोलीको जित पहिलो हाफ मै सुनिश्चित गरे ।

उता जकार्ताका लागि दोस्रो हाफको ६४औं मिनटमा तौफिक हिदायतले एक मात्र सान्त्वना गोल फर्काए । तर टोलीको हार टार्न सकेनन् ।

यो नतिजापछि ३१ खेलबाट ४१ अंक जोडेको जकार्ता आठौं स्थानमा छ । उता मदुरा युनाइटेड भने ३८ अंकका साथ नवौं स्थानमा छ । शिर्ष स्थानमा भने ६९ अंक जोडेको बाली युनाइटेड रहेको छ ।


प्रतिक्रिया दिनुहोस

Loading...