नेपालले भारतमा चार देशीय कप खेल्ने

काठमाडौं (खेलदैनिक) । नेपाली राष्ट्रिय महिला फुटबल टोलीले अर्को महिना भारतमा हुने चार देशीय अन्तर्राष्ट्रिय फुटबल प्रतियोगिता खेल्ने भएको छ । यो कुराको पुष्टी अखिल नेपाल फुटबल संघ (एन्फा) ले पनि शुक्रबार आधिकारिक रुपमा गरेको छ ।

एन्फाका अनुसार डिसेम्बर ९ देखि २१ तारीखसम्म हुन गईरहेको चार देशीय प्रतियोगितामा नेपालको सहभागिता पनि निश्चित भएको हो । यद्यपि अल इण्डिया फुटबल फेडरेशन (एआइृएफएफ) ले थप दुई टोलीबारे भने अझै घोषणा गरेको छैन । तर विभिन्न भारतीय सञ्चारमाध्यमहरुका अनुसार प्रतियोगितामा थाइल्याण्डले पनि सहभागिता जनाउन सक्ने बताइएको छ ।

यद्यपि यसबारे थप आधिकारिक रुपमा भने केही बताइएको छैन । स्मरण रहोस, भारतले आगामी बर्ष प्रतिष्ठित एएफसी वुमन्स एसियन कपको आयोजना गर्दैछ । त्यसका लागि भारतीय महिला फुटबल टोली पनि व्यस्त छ ।

नेपालले सोही प्रतियोगिताका लागि उज्वेकिस्तानमा छनौट प्रतियोगिता पनि खेलेको थियो । तर दुर्भाग्यपुर्ण रुपमा नेपाल छनौट हुनबाट भने असफल भएको थियो ।


प्रतिक्रिया दिनुहोस

Loading...