युरोपमा व्यवसायीक फुटबल खेल्ने दोस्रो भारतीय खेलाडी बनिन् आदिती

काठमाडौं (एजेन्सी) । भारतीय राष्ट्रिय महिला फुटबल टोलीकी पहिलो रोजाईकी गोलरक्षक आदिती चौहान युरोपियन भूमिमा व्यवसायीक फुटबल खेल्ने दोस्रो भारतीय महिला फुटबल खेलाडी बनेकी छिन् ।

२८ बर्षिय आदितीले आइसल्याण्डको तेस्रो डिभिजनको टोली हमर हेविरागेर्डीबाट व्यवसायीक फुटबल खेल्ने पक्का भएको कुरा अल इण्डिया फुटबल फेडरेशनले पुष्टी गरेको छ ।

हमरले सन् २०२० मा मात्र आफ्नो महिला फुटबल टोली बनाएर फुटबल मैदानमा होमिएको थियो । कोेभिड–१९ का कारण गत सिजनको लिग बीचैमा स्थगित हुँदा हमर १५ मध्ये ४ खेलमा जित, ९ मा हार र २ बराबरी खेल्दै लिगतालिकाको छैटौं स्थानमा थियो ।

https://twitter.com/IndianFootball/status/1382669505554378753

आदितीले यसअघि फुटबल अध्ययन गर्ने क्रममा इङलिस क्लब वेस्ट ह्याम युनाइटेड लेडिजबाट पनि फुटबल खेलेकी थिईन् । यद्यपि त्यतिबेला आदितीको क्लबसँगको त्यो सम्झौता पुर्ण व्यवसायीक भने थिएन ।

आदितीले गत सिजन गोकुलम केरलाबाट खेल्दै भारतीय महिला लिग उपाधि समेत जितेकी थिईन् । त्यतिबेला नेपालकी स्टार फरवार्ड साबित्रा भण्डारीले पनि केरलाबाटै खेलेकी थिईन् ।

स्मरण रहोस, युरोपियन भूमिमा व्यवसायीक फुटबल खेल्ने पहिलो महिला फुटबल खेलाडी भने बाला देवी हुन् । उनी हाल चर्चित स्कटिस क्लब रेन्जर्समा आवद्ध छिन् ।


प्रतिक्रिया दिनुहोस

Loading...