आई लिगमा विपक्षीलाई निस्तेज पार्दै किरन

काठमाडौं (एजेन्सी) । भारतको चर्चित आई लिगमा राउण्डग्लास पञ्जाब एफसीका लागि व्यवसायीक फुटबल खेलिरहेका नेपालका नम्बर एक गोलरक्षक किरन चेम्जोङले यस सिजन लिगमा आफ्नो प्रभाव जमाउन सफल भएका छन् ।

आई लिगले यस सिजन जारी गरेको एउटा तथ्यांकमा किरनले आफ्नो पल्ला भारी रुपमा जमाएका छन् । आई लिगको आधिकारिक सामाजिक सञ्जालमा प्रकाशित तथ्यांक अनुसार किरनले यस सिजन सर्वाधिक शट जोगाएका छन् । अर्थात किरनले यस सिजन पञ्जाबलका लागि ७ म्याच खेल्दै विपक्षीको ३२ प्रहार जोगाएका छन् ।

यो सूचीमा नेरोकाका गोलरक्षक बिशोरजित सिंह दोस्रो स्थानमा छन् । उनले कुल २२ प्रहार जोगाएका छन् भने तेस्रो स्थानमा ट्राउका गोलरक्षक सोराम पोइरी छन् । उनले कुल २१ प्रहार जोगाएका छन् ।

स्मरण रहोस, आई लिगमा यस सिजन किरनको टोली पञ्जाब ७ खेलबाट ११ अंकका साथ लिगतालिकाको दोस्रो स्थानमा छ । शिर्ष स्थानमा १३ अंकका साथ चर्चिल ब्रदश रहेको छ । पुछारमा भने मात्र १ अंक जोडेको इण्डियन एरोज रहेको छ ।


प्रतिक्रिया दिनुहोस

Loading...