सागका लागि पुरुष फुटबल टोलीको घोषणा, चार फरवार्डलाई चुनौति

काठमाडौं (खेलदैनिक) । प्रशिक्षक बालगोपाल महर्जनले मंसिर १५ देखि शुरु हुन गईरहेको १३औं दक्षिण एसियाली खेलकुद (साग) का लागि नेपाली पुरुष फुटबल टोलीको अन्तिम नामावली घोषणा गरेका छन् ।

महर्जनले घोषणा गरेको २० सदस्यीय टोलीमा तीन सिनियर खेलाडी बिकेश कुथु, बिक्रम लामा र सुजल श्रेष्ठ पनि समावेश छन् । स्मरणीय छ, सागमा सहभागि राष्ट्रको यु–२३ टोलीलाई मैदानमा उतार्नु पर्ने प्रावधान छ । यद्यपि सो टोलीमा तीन सिनियर खेलाडीहरु पनि समावेश गर्न सकिनेछ ।

यसअघि भारतको गुवाहाटीमा सम्पन्न १२औं सागमा नेपालले पुरुष फुटबलतर्फ दावेदार भारतलाई हराउँदै ऐतिहासिक स्वर्ण जितेको थियो ।

यस्तो छ नेपाली स्क्वाड :

गोलकिपर्स: बिकेश कुथु, अर्पन कार्की, दिप कार्की

डिफेन्डर्स: अनन्त तामाङ, दिनेश राजवंशी, सुमन अर्याल, बिक्रम लामा, विकास खवास, मिचेन तामाङ, छिरिङ गुरुङ

मिडफिल्डर्स: सुजल श्रेष्ठ, सुनिल बल, हेमन्त थापा मगर, नितिन थापा मगर, सेसेहाङ आङदेम्बे, तेज तामाङ

फरवार्डस :बिमल घर्ती मगर, रेजिन सुब्बा, अभिषेक रिजाल, अन्जन बिष्ट


प्रतिक्रिया दिनुहोस

Loading...