फाल्गुनन्द गोल्डकपमा दर्शकहरुको चाप कुन दिन कति ?

  • रमेश समदर्शी राई

पाँचथर (खेलदैनिक) । फिदिममा जारी रुस्लान १०औँ फाल्गुनन्द गोल्डकपको सेमिफाइलनका खेल सकिँदासम्म कुन दिन कति दर्शकले टिकट काटेर प्रवेश गरे होलान ?


पाँचथर (खेलदैनिक) । फिदिममा जारी रुस्लान १०औँ फाल्गुनन्द गोल्डकपको सेमिफाइलनका खेल सकिँदासम्म कुन दिन कति दर्शकले टिकट काटेर प्रवेश गरे होलान ?


पाँचथर (खेलदैनिक) । फिदिममा जारी रुस्लान १०औँ फाल्गुनन्द गोल्डकपको सेमिफाइलनका खेल सकिँदासम्म कुन दिन कति दर्शकले टिकट काटेर प्रवेश गरे होलान ?

यस पटकको संस्करणमा आयोजकले अपेक्षा गरेभन्दा बढी दर्शक उद्घाटन खेलमा आएका थिए । झापा ११ र ताप्लेजुङबीचको खेलमा अहिलेसम्मकै सर्वाधिक दर्शक आएर हौसला मिलेको फिदिम स्पोर्टिङ क्लबका अध्यक्ष विमल श्रेष्ठले बताए । उद्घाटन खेलमा एक सय दरका टिकट राखिएको थियो । जसमा टिकट बिक्रीबाट मात्र एक लाख ५२ हजार २ सय संकलन भएका क्लबका महासचिव पासाङ तामाङले जानकारी दिए ।

महासचिव पासाङ अनुसार दोस्रो खेलमा आयोजकसँग मोरङ–११ को खेल थियो । तर, अपेक्षित टिकट बिक्री भने भएन । विदेशी खेलाडीलाई आयोजकले खेलाएको भन्दै आलोचना भइरहेको बेला टिकट बिक्री भने ९० हजार ४ सयको मात्र भएको थियो । तेस्रो खेलमा आयोजकले टिकट दर १५० तोकेको थियो । झापा ११ र एपीएफबीच भएको खेलमा फेरि एक लाख १४ हजार ७ सय टिकटबाट संकलन भएको थियो ।

आयोजक फिदिम स्पोर्टिङले आर्मीसँग प्रतिस्पर्धा गर्दा फेरि टिकट बिक्रीमा कमी आउनपुग्यो । दर्शकले आयोजकलाई साथ दिएनन् । यस खेलबाट ८३ हजारमात्र टिकट बिक्रीबाट संकलन भएको आयोजकले जनाएको छ ।

सुनसरी र सरस्वती युथ क्लबबीच भएको पाँचौ खेलमा एक लाख २ हजार ५ सय, छैटौ खेलमा रोयल एफसी दार्जीलिङ र ब्वाइज युनियन काठमाडौँले खेलेमा थिए । त्यो खेलमा टिकट बिक्रीबाट ९७ हजार २ सय रुपैयाँमात्र संकलन भएको आयोजकले जानकारी दियो ।

दुई सेमिफाइनल खेलमा भने आयोजकले टिकट दर बढाएर दुई सय कायम गर्यो । पहिलो सेमिफाइनल खेल झापा ११ ले सरस्वती युथसँग खेलेका थियो । यो खेलमा अहिलेकै सर्वाधिक एक लाख ८६ हजार ६ सय रुपैयाँको टिकट बिक्री भएको आयोजकका महासचिव तामाङले बताए ।

त्यस्तै, दोस्रो सेमिफाइनल खेलमा आर्मी र रोयल एफसीले भिडेका थिए । जसमा एक लाख ७५ हजार ७ सय टिकटबाट संकलन भएको थियो ।

अहिलेसम्म आठ खेल सम्पन्न हुँदा आयोजकले टिकट बिक्रीबाट जम्मा १० लाख २ हजार ३ सय रुपैयाँ संकलन गरेको छ । सोमबार फेरि झापा ११ र आर्मीबीच फाइनल खेल हुँदैछ । फाइनलमा भने दर्शकले आयोजक नभए पनि टिकट काटेर झापा ११ को समर्थनमा मैदान प्रवेश गर्ने अनुमान छ । यसअघिका खेलका आधारमा आयोजकले पनि यस्तै अपेक्षा गरेको छ ।


प्रतिक्रिया दिनुहोस

Loading...