विर्तामोड भेट्रान र राइनो डुवर्स विजयी

बिर्तामोड भेट्रान

काँकरभिट्टा (खेलदैनिक) । सर्वाधिक पुरस्कार राशीको इण्डो–नेपाल भेट्रान फुटबल प्रतियोगिताको दोस्रो संस्करण अन्र्तगत दोस्रो दिन विर्तामोड भेट्रान फुटबल क्लव र राइनो डुवर्स भेट्रान फुटबल क्लव विजयी भएका छन् ।

आइतबार भएको पहिलो खेलमा सिबिसि भेट्रान फुटबल क्लव चन्द्रगढीलाई ५–१ गोल अन्तरले हराउँदै विर्तामोड भेट्रान फुटबल क्लव विजयी भएको हो । सिबिसि विरुद्ध खेलको पहिलो हाफको दोस्रो मिनेटमा विर्तामोडका देवमान लिम्बुले पहिलो गोल गरेका थिए ।

म्यान अफ द म्याच बिर्तामोडका सुवास सुब्बा ।

जवाफमा पहिलो हाफको १४ औं मिनेटमा विर्तामोड विरुद्ध सिबिसिका अर्जुन राईले पहिलो गोल गर्दै खेल बराबरीमा पुर्याएका थिए । त्यसपछि दोस्रो हाफको १४ औं मिनेटमा विर्तामोडका सुवास सुब्बाले १ गोल, २२ औं मिनेटमा विर्तामोडकै केशवराज दाहालले १ गोल र २४ औं मिनेटमा विर्तामोडकै सुवास सुब्बाले थप अर्को गोल गरेका थिए ।

राईनो डुबर्स भेट्रान ।

आइतबार नै भएको दोस्रो खेलमा एभरेष्ट भेट्रान फुटबल क्लव मोरङलाई ० का विरुद्ध १ गोलले राइनो डुवर्स भेट्रान फुटबल क्लव भारत विजयी भएको हो । खेलको पहिलो हाफमा दुवै टिमले गोल गर्न सकेका थिएनन् भने दोस्रो हाफको २५ औं मिनेटमा राइनोका दिव्य ज्योति मुखर्जीले निर्णायक गोल गर्दै आफ्नो टिमलाई विजयी बनाएका थिए ।

पहिलो खेलको म्यान अफ दी म्याच घोषित विर्तामोडका सुवास सुब्बा र दोस्रो खेलको म्यान अफ दी म्याच घोषित राइनोका दिव्य ज्योति मुखर्जीलाई पुरस्कार स्वरुप जनही २१ सय रुपैयाँसहित ट्रफि प्रदान गरिएको थियो ।

म्यान अफ द म्याच राईनो डुबर्सका दिव्यज्योति मुखर्जी ।

२९ गते मङ्गलबारको पहिलो खेल पुर्वाञ्चल भेट्रान फुटबल क्लव पुर्वाञ्चल र बिन्ध्यावासिनि भेट्रान फुटबल क्लव विराटनगर तथा दोस्रो खेल धाइजन–चारआली भेट्रान फुटबल क्लव र दागापुर मनिङ भेट्रान फुटबल क्लव सिलिगुडी भारतबीच हुने आयोजकले जनाएको छ ।


प्रतिक्रिया दिनुहोस

Loading...