सन्दिपले क्यारिबियन प्रिमियर लिग पनि खेल्ने

(तस्विर आइसीसी)

काठमाडौं (खेलदैनिक) । हालै चर्चित इण्डियन प्रिमियर लिग क्लब दिल्ली डेयरडेभिल्सले किनेको नेपाली राष्ट्रिय युवा क्रिकेटर सन्दिप लामिछानेले क्यारिबियन प्रिमियर लिग (सिपिएल) मा पनि खेल्ने भएका छन् ।

बिहीबार इङल्याण्डमा भएको सिपिएलको ड्राफ्टमा सन्दिपलाई सेन्ट किट्स एण्ड नेभिस प्याट्रियट्सले ५ हजार डलरमा खरिद गरेको हो । प्याट्रियट्सले सन्दिपलाई खरिद गरेको जानकारी आफ्नो आधिकारिक ट्वीटर एकाउण्टमा गरेको छ ।


सिपिएलमा खेल्ने सन्दिपको टोलीमा विश्वचर्चित आक्रमक ब्याट्सम्यान क्रिस गेल, सेमुएल बद्री, कार्लोस ब्राथवेट, मोहम्मद हाफिज जस्ता स्टार खेलाडीहरु पनि छन् । वेस्ट इण्डिजमा सन् २०१३ देखि आयोजना हुँदै आईरहेको सिपिएल टि–२० को पाँचौ संस्करण आउँदो अगस्तमा शुरु हुँदैछ ।

कुल ६ फ्रेन्चाईज टोलीहरुको सहभागिता रहने प्रतियोगिताको गत संस्करणको उपाधि ट्रिनबागो नाईट राईडर्सले जितेको थियो । यो क्लबमा चर्चित भारतीय नायक शाहरुख खान र अभिनेत्री जुही चावलाको समेत लगानी रहेको छ ।


प्रतिक्रिया दिनुहोस

Loading...