नेपाली शारीरिक सुगठन टोली चीन जाने

एसियाली शारीरिक सुगठनमा सहभागी हुन चीन जान लागेको टोली बिदाइपछि सदस्य–सचिव रमेशकुमार सिलवालसंग तस्वीर खिचाउदै ।

काठमाडौं (खेलदैनिक) । नेप्लिज फेडरेसन अफ बडि बिल्डिङ तथा फिट्नेसको २ खेलाडीसहित ४ सदस्यीय नेपाली टोली ५३ औं एसियाली शारीरिक सुगठन च्याम्पियनसिपमा सहभागी हुन बुधबार चीनको हर्बिन जाने भएको छ ।

जुलाई २६ देखि २९ तारिखसम्म हुने प्रतियोगिताको क्लासिक बडि बिल्डिङको १६३ सेन्टीमिटरमा रामहरि खनाल तथा ६५ केजीमा रामबहादुर दाहालले प्रतिस्पर्धा गर्ने छन् । उनीहरुलाई बडि बिल्डिङका प्रमुख प्रशिक्षक राजेन्द्र तुलाधरले प्रशिक्षण गराएको संघले जनाएको छ ।

अफिसियलमा संघका महासचिव अजय वज्राचार्य तथा पूर्व अध्यक्ष शिवलाल श्रेष्ठ रहेका छन् । दुवैले प्रतियोगिता दौरान हुने कोंग्रेसमा पनि सहभागी हुने बताइएको छ ।

टोलीलाई सफलताको शुभकामना दिदै राष्ट्रिय खेलकुद परिषद्का सदस्य–सचिव रमेशकुमार सिलवालले एक कार्यक्रमबीच सोमबार बिदाइ गरे ।

कार्यक्रममा सदस्य–सचिव सिलवालले अस्तित्वमा रहेका दुई शारीरिक सुगठनलाई एक भएर आउन आग्रह गर्दै विभाजनले कसैलाई फाइदा नपु¥याउने बताए ।


प्रतिक्रिया दिनुहोस

Loading...