स्पेसल ओलम्पिक टोली स्वदेश फिर्ता

स्पेसल ओलम्पिक समर वल्र्ड गेम्सका पदक विजेता खेलाडीसहितको नेपाली टोली त्रिभुवन अन्तर्राष्ट्रिय विमानस्थलमा ।

काठमाडौं (खेलदैनिक) । युएइमा भएको स्पेसल ओलम्पिक समर वल्र्ड गेम्सका पदक विजेतासहितको नेपाली टोली शुक्रबार स्वदेश फर्किएको छ ।

मार्च १४ देखि २१ तारिखसम्म भएको फरक क्षमता भएका व्यक्तिको गेम्समा नेपालले एथलेटिक्स, बोसी र फुटसलमा सहभागिता जनाएको थियो । नेपालले एथलेटिक्समा १ स्वर्ण र २ कांस्य तथा बोसीमा १ रजत हात पार्यो । ३ सपाङ र ५ फरक क्षमता भएका व्यक्तिको पुरुष फाइभ ए साइड युनिफाइड फुटसलमा नेपालले रजत जित्यो ।

एथलेटिक्सको पुरुष सटपुटमा अजय तामाङले स्वर्ण तथा सागर शेरचनले कांस्य जिते । महिला लङजम्पमा एलिसा न्यौपानेले कांस्य जितिन् । महिला बोसीमा महिमा कोइरालले नेपाललाई रजत दिलाइन् ।

फुटसल टोलीमा अनिश कार्की, महेन्द्र कार्की, इश्वर लिम्बू, इसान श्रेष्ठ, धनबहादुर क्षेत्री, अदेश काफ्ले, अदित वज्राचार्य र क्षितिज बानियाँ थिए ।

गेम्समा १ सय ९० भन्दा बढी राष्ट्रको सहभागिता रहेको स्पेसल ओलम्पिक नेपालकी अध्यक्ष एवं टोली नेता डा. शिक्षिता श्रेष्ठले जनाएकी छन् । स्पेसल ओलम्पिकमा नेपालले पहिलो पटक स्वर्ण जितेको अध्यक्ष श्रेष्ठले जनाएकी छन् ।


प्रतिक्रिया दिनुहोस

Loading...