भक्तपुर र मकवानपुर रग्बी च्याम्पियन

काठमाडौं (खेलदैनिक) । प्रदेश जिल्लास्तरीय सेभेन ए साईड बगमती सेभेन्स रग्वी प्रतियोगिताको उपाधि भक्तपुरले जितेको छ । मध्यपुर ठिमीमा आइतबार भएको फाइनलमा भक्तपुर रग्वीले नुवाकोट रग्वीलाई ५ का विरुद्ध १७ प्वाइन्टका साथ उपाधि जितेको हो ।

भक्तपुरले खेल अवधिभर ३ ट्राइ गर्दा एक पटक कन्भर्सन गरेको थियो । एक ट्राइ बराबर ५ अंक र एक कन्र्भज बराबर २ अंकका हिसाबले ३ ट्राइको १५ र १ कन्भर्जको २ गरि १७ अंक ल्याएको हो ।

नुवाकोट रग्वीले भने एक ट्राइ गरेको थियो । पुरुष तर्फको उपाधि विजेता भक्तपुर रग्वीले नगद १५ हजार पुरस्कार प्राप्त गर्दा उप विजेता भएको नुवाकोट रग्वीले १० हजारमा चित्त बुझायो ।

भक्तपुरका सविन महत उत्कृष्ट खेलाडी चुनिए । उनले नगद ५ हजार प्राप्त गरे । प्रतियोगिता अन्तर्ग शनिबार महिलातर्फको उपाधि मकवानपुरले जितेको छ । मकवानपुरले काठमाडौंलाई १ ट्राइले नै उपाधि जित्न प्रर्याप्त भयो । मकवानपुरले उपाधिसँगै नगद १० हजार प्राप्त गरेको छ ।

प्रतियोगिताको उपाधि विजेता टिम तथा खेलाडीहरुलाई रग्वीसंघका अध्यक्ष टंकलाल घिसिङले पुरस्कार तथा मेडल र प्रमाणपत्र वितरण गरेका थिए ।

नेपाल रग्वी संघको आयोजना तथा बागमती प्रदेश खेलकुद विकास परिषद्को सहकार्यमा प्रतियोगिता आयोजना गरिएको हो । प्रतियोगितामा पुरुष तर्फ ७ टोली र महिला तर्फ ३ टोली सहभागी थिए ।


प्रतिक्रिया दिनुहोस

Loading...